Stáhtaminister mieđiha ahte leat olmmošvuoigatvuođarihkkumat Fovsen Njaarkes. Dán son muitalii maŋŋel iđitborramuščoahkkima bearjadaga.
Fovsen-aktivisttat leat demonstreren dál gávcci beaivve dan dihte go stáhta ii doahttal Alimusriekteduomu, mas celkui ahte dat 151 bieggamillo Fovsen Njaarkes leat lobihemet ceggejuvvon ja rihkkot badjeolbmuid olmmošvuoigatvuođaid.
Bearjadaga bovdii ge stáhtaministtar, Jonas Gahr Støre, Fovsen sápmelaččaid guossái borrat iđitborramuša.
Maŋŋel čoahkkima dáhtui Støre ahte olbmot galget jáhkkit sutnje go lohká ahte stáhta lea bargan áššiin dan rájes go duopmu celkui, ja ahte sii leat bargamin dan ovdii ahte olmmošvuoigatvuođat eai rihkkojuvvo.
– Nu mo dilli lea dál, de mii rihkkut olmmošvuoigatvuođaid. Ja dainna mii eat sáhte eallit, muitala stáhtaminister ja joatká
– Duomus maid celko ahte ferte árvvoštallat váidudeaddji doaibmabijuid, go ná ii sáhte joatkit. Dása mii bidjat dál buot návccaid.
©NTB
