– Jus eatnašat fylkkadikkis, erenoamážit Finnmárkku sátnejođiheaddjit, háliidit eret oktiičaskimis 2021:s, de lea Bargiidbellodat mielde dasa, dadjá Bb-jođiheaddji go lei Hámmárfeasttas su válgagižžomátkkis.
Bargiidbellodaga jođiheaddji Jonas Gahr Støre lea válgagižžomátkkis Davvi-Norggas ja muitala son lea gearggus heaittihit bággooktiičaskimiid mat galget dáhpáhuvvat 2021:s..
Finnmárkkus lea Bargiidbellodat goasii beliin unnidan sin oassálastima, 46 proseanttas 2015:s gitta 23,9 proseantta odne, oaiviliskkadeami mielde mii dahkkui geassemánus.
– Dat leat balddihahtti heajos oaiviliskkadeamit, muitala Finnmárkku fylkkasátnejođiheaddji Ragnhild Vassvik NRK:i.
– Hoahppu
Su mielas lea áibbas riekta heaittihit Romssa ja Finnmárkku oktiičaskima man Bargiidbellodat lea golbmii jienastan vuostá Stuorradikkis.
Vassvika mielas lea hoahppu dieđihit ahte Bb háliida heaittihit oktiičaskima.
– Dain iskkademiin mat mis dál leat, sáhttá orrut ahte mii vuoittáhallat fylkkadiggeválggas ja gieldaválggas maid Finnmárkkus, dadjá Vassvik.
Heaittihit Romssa ja Finnmárkku oktiičaskima sáhttá mielddisbuktit ođđa jienasteami eará fylkkain.
– Nubbi čuolbma lea Viken, mii lea oalle goanstaregiovdna. Ja seamma ferte doppe maid gustot, dan ektui masa regionála politihkárat meidnejit, go mii boahtit 2021:i, dadjá Støre NRK:i.
(©NTB)