-Almmuhus-
-Almmuhus-
-Almmuhus-
OĐĐASATStjerne­kamp-vuoiti lea dán jagi njunuš­artista

Stjerne­kamp-vuoiti lea dán jagi njunuš­artista

-

-

Dán jagi ávvuda Finnmarksløpet 40 jagi, ja go vuolgga lea Álttás lea lunddolaš Scene Finnmárkku Live-scene ovdanbuktá ođđa ja einnostuvvon boahttevaš beakkán artistta Álttás.

– Min iskanbáikkiid olgolávddiin leat nuvttákonsearttat main mii illudit ovdanbuktit joavkku NorthKid, mas  Stjernekamp-vuoiti Bilal Saab lea njunnošis, ja mis lea maiddái mielde nuorra vokalista ja lávllačálli Madelén Guttormsen, čállá  Scene Finnmárku sin preassadieđáhusas.

Seastinbáŋku 1 Davvi-Norgga Servodatlokten lea mielde ruhtadeamen ávvujagi turnea.

NorthKid – ođđa popimaš davvin

2019 lei jahki goas Álttá joavku beaggigođii go badjelaš miljon geardde leat olbmot guldalan sin lávlagiid Spotifys ja rádios NRK MP3 ja P1. Joavku čuojahii maiddái Sternekamp-finálas NRK:s gos njunušalmmái Bilal Saab faskii vuoittu. Jagi 2020 ilbmá joavkku vuosttaš skearru, ja sis lea stuorra festivála-turnea vuordagis. Joavkku vuosttáš lávlla skearrus ilbmá jagi álggus, ja lea mielde rahpame Finnmarksløpets Live-scene. 

Madelén Guttormsen, áltálaš lávlu/lávllačálli 

Nuorra Álttá artista Madelén Guttormsen galgá maid leat mielde Scene Finnmárkku Live-scenes Finnmarksløpet oktavuođas. Govven: Mads Suhr Pettersen.
Nuorra Álttá artista Madelén Guttormsen galgá maid leat mielde Scene Finnmárkku Live-scenes Finnmarksløpet oktavuođas. Govven: Mads Suhr Pettersen.

Madelén lea nuorra lávlu ja lávllačálli geas leat oktavuođat Gigant-birrasii su ruovttogávpoga Álttá nuoraidviesus. Son vuittii ge Aronnesrockena UngRock 2019:s, ja lea čuojahan máŋgga festiválas. Madelén lea maiddái ovttasbargan  NorthKidain lávllačállin, ja lea maiddái ieš almmuhan golbma lávlaga mat leat gávdnamis iešguđetge rávdjenbálvalusain.

-Almmuhus-