-Almmuhus-
-Almmuhus-
-Almmuhus-
KULTUVRAStipeanddaid juohkán dáiddáriidda ja girječálliide 

Stipeanddaid juohkán dáiddáriidda ja girječálliide 

-

-

Sámi Dáiddariid ja Girje­čálliid Buhtadus­foanda (SDGB) lea juohkán stipeanddaid dáiddariidda ja girje­čálliide, ja okta sis gii oažžu eanebuš stipeandda lea dáiddár Liselotte Wajstedt. 

Sámi Dáiddáriid ja Girječálliid Buhtadusfoanda (SDGB) lea háldo­foanda buhtadusaide mat máksojuvvojit oktasaččat sámi govvadáiddáriidda, dáiddaduojáriidda ja dáiddalaš govvideddjiide ja sámi girječálliide.

SDGB ruhtadit stáhta girjerájusbuhtadusa, čájáhusbuhtadusa ja kopiijabuhtadusa, ja Sámedikki čájáhusbuhtadusa.

 

Dáiddáriidda stipeanddat

Čuovvovaččaide lea juolluduvvon stipeanda sámi govvadáiddáriid, dáiddaduojáriid ja dáiddalaš govvi­deddjiid gaskkas jahkái 2019:s 1 jagáš bargostipeandda:

Liselotte Wajstedt, kr 265 000,-.

SDGB čállá preassadieđáhsuas ahte  Liselotte Wajstedt lea filbmadahk­ki ja govvadáiddár ruoŧa beale Sámis eret, guhte bargá eksperimentealla filmmaiguin, govai­guin ja animašuvnnain.

SDGB bargostipeanda juolluduvvo prošeaktabargguide «Kiru­nas Ortdrivaren», performance ja oanehisfilbma, Ralph Erskina báras arkitektuvrra gaikkodeami birra Gironis, gos maiddái «Reinraid» filbma Gábna čearus lea mielde.

Liselotte Wajstedta nubbi stuor­ra prošeakta lea iskkadeaddji filbma «Tystnaden i Sápmi» illastemiid ja psykihkalaš dávddaid ­hárrái jaskatvuođa birra sámi ­servodagas.

 

Mátkestipeanddat

Muđui leat juohkán mátkesti­peanddaid.

Marte Lill Somby oažžu 26 500,- ruvnno mátkkoštit Ruonáeatnamii «De språkløse» prošeavtta oktavuođas.

Susanne Hætta ges oažžu 50 000 ruvnno ovddas mátkkoštit go dokumentere sámi dáiddajoavkku, Mázejoavkku, girjjiin mii almmuhuvvo 2019 čavčča. 

28 000 ruvdnosaš mátkesti­peanda lea maid addon Bente Geving researchmátkkiide «Stille synlig» prošeavtta oktavuođas juoigama ja sálbmalávluma birra.

SDS čájáhusstipeanda, mii lea 55 000 ruvnno, oažžu ges Aage Gaup lágidit čájáhusa «Dološ ­giella – ođđa hápmi ja báhtareaddjit» Sámi Dáiddaguovddážis (SDG), Kárášjogas.

 

Ávnnasstipeanddat

Marit Anne Sara, kr 50 000,- ávdnasiidda ja prototypaide «Pile Power» čikŋakonseptii.

Marte Lill Somby kr 27 000,-, ávdnasiidda fotogovaide ja grafihkkii su buvttadeamis.

Hilde Skancke Pedersen, kr 28 000,- dáiddaávdnasiid oastimii.

Andreas Holtung, kr 24 000,- liinniide, báhpáriidda ja rámmemiidda.

 

Stipeanddat girječálliide

Čuovvovaš sámi girječálliide juolluduvvo stipeanda jahkái 2019:s: 

1 jagáš bargostipeanda; Rauni Magga Lukkari, kr 265 000,-. ­

Rauni Magga Lukkari áigu sti­peandda geavahit prošeavttaide «Deanu leagi healttat» ja «Láhttema birra” Ohcejogas.

– Son dovdá guovllu bures ja lea okta daid moaddásiin guđet ain dovdet ja sáhttet čilget dan mihtilmas ja ealli gielalaš girjáivuođa Ohcejoga guovllus Deanuleagis. Rauni Magga Lukkari lea okta daid eallilan girječálliin geas lea hirbmat buorre máhttu kulturhistorjjá ja árbevirolaš servodaga ­birra Deanuleagis. Son lea alla dását ja mávssolaš barggu dahkan máŋggaid logemat jagiid sámegiel girječállin, čállá SDGB preassadieđáhusas.

Mátkestipeanda: Katrine Olsen Nedrejord, kr. 36 000,- research­mátki Ođđa Zealandii, jearahallat ja researcha dahkat teáhterbihttái mii máinnaša Ođđa Selándda ja Norgga eamiálbmogiid.

Ávnnasstipeanda: Hege Siri, kr 40 000,- oastit Mac oktan pro­grámmaiguin.

 

 

-Almmuhus-