Amnesty Sápmi-searvi Ruoŧa bealde oažžu dán jagáš stipeandda Kaija Anstensena muitofoanddas.
Stipeanddain foanda háliida doarjut searvvi barggu čalmmustahttit go sisabahkkemat sáhttet rihkkut sámi olmmošvuoigatvuođaid.
– Lea stuora gudni oažžut Kaija Anstensena stipeandda, dadjá Amnesty Sámi ságadoalli Erik Törnlund preassadieđáhusas.
Jagi 2011 rájes lea Kaija Anstensena muitofoanda juohkán stipeandda, eavttut leat ovddidit sámi rivttiid ja kultuvrra. Stipeanda lea 30 000 Ruoŧa ruvnnu.
Dát leat ožžon Kaija Anstensena muitofoanda stipeandda:
Ella-Maria Nutti (2022)
Maj-Doris Rimpi (2021)
Inga-Wiktoria Påve (2021)
Leila Nutti (2020)
Liv Aira (2019)
Marika Renhuvud (2019)
Sara Ajnnak (2018)
Lena Viltok (2017)
Heidi Juliana Gauriloff (2016)
Carola Grahn (2015)
Paul-Anders Simma (2014)
Silje Figenschou Thoresen (2013)
Elin-Anna Labba (2012)
Fia Kaddik (2011)
