Dan vahkko leat Upmejen Biejvieh – Sámi vahkku Upmejes, Ruoŧas. Dan oktavuođas lea Upmeje sámesearvi 2004 rájes juohkán bálkkašumi dáidárii. Dán jagaš bálkkašupmi geigejuvvui dáiddárii Lena Stenberg, gii lea Årosjogas eret Girona olggobealde.
Upmejen Biejvieh prošeaktajođiheaddji Eva Conradsen čilge ahte Lena Stenberg oažžu Såhkie Sámesearvvi gudnejahttin bálkkašumi go lea ovdavázzin sámi politihkalaš dáidagii.
Lena Stenberg lea váldán eksámena Konstfack skuvllas 1990:s. Lena Stenberg sihke hábme bácciid, njuohta, a govve ja ráhkada installašuvnnaid. Su dáidda čájehuvvo sihke internationála ja našuvnnalaš dásis.
Stenberg háliida dáidaga bokte dulkot ja ságastallat servodat rievdamiid ja geavaha su dáidaga čalmmustahttit ja gažadit luonddu, kultuvrra ja identitehta iešguđet lanjaid ja áigodagaid.
Dáiddagis Lena čalmmustahttá ja árvvoštallá eananávkkástallama ja lea maid dulkon historjjálaš dáhpáhusaid nugo bággojohtimiid.
