NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
Válgabiire: Gáisi
Bellodat: Sámiid Álbmotlihttu
Namma: Stein Are Olsen
Ahki: 58
Siviiladilli: Náitalan
Eatnigiella/giella: Dárogiella
Beroštumit:
Makkár astoáigedoaimmat leat dus?
– Spábbačiekčanduopmár ja vuotnaguolásteapmi.
Mii lea dat stuorámus maid leat vásihan eallimis?
– Go mu guokte máná riegádeigga.
Maid dagat go áiggut vuoiŋŋastit?
– Váccašan tuvrra.
Gii lea du stuorámus ovdagovva ja manne?
– Mu áddjárohkki, dan dihte go son lei dakkár go son lei.
Bargu ja oahppu
Maid don barggat dál ja makkár barggut leat dus ovdal leamašan? Makkár oahppu lea dus?
– 60 proseantta penšunista. Doalan buollinčaskadankurssaid, iešguđet stivramiellahttovuođat, buolličaskadanmeašttir Ivgu suohkanis. Miellahttu Sámi Girkoráđis, Davvi Hålogalánddas. Industriijabargi 15 jagi, Suodjalusas 5 jagi, ON veterána (leamaš 1 jagi Libanonas). Lean 3 jagi vázzán fidnofágaskuvlla, 2 jagi teknihkkalaš fágaskuvlla Tromssas.
Politihkalaš duogáš
Makkár bellodagaid leat don ovddastan? Leatgo leamašan sámediggeáirras?
– Lean politihkalaš aktiiva leamaš 20 jagi, Ivgu suohkanis. Bargiidbellodagas. Maŋemuš guokte jagi «Samhold» bellodagas Ivggus. Leamaš várrelahttu Bargiidbellodaga ovddas maŋemuš áigodaga.
Váibmoáššit
Makkár áššiide áiggut bidjat fokusa?
– Giella-, kultur- ja mearrasámi guolástusáššiide.
Mii lea du mielas eanemus hástaleaddjin maid Sámediggi ferte čoavdit čuovvovaš áigodagas?
– Legitimitehta ja eambbo ruhtadeapmi ferte sámi servodagaide.
Čilge manne/ manne eai galggašii minerála- ja ruvkefitnodagat oažžut lobi ásahit ja álggahit doaimmaid sámi guovlluin?
– Areála massin ja nuoskideapmi.
Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?
– Boazolohku ferte guoddevaš šaddat.
Eanandoallu, maid sáhttá Sámediggi dahkat sihkkarastin dihte ahte nuorat sáhttet joatkit/ álgit ealáhusain?
– Stipeanddaid ja báberhommáveahkki fállat.
Mii lea dat stuorámus hástalus guolástanealáhusas Sámis? Maid sáhttá Sámediggi dahkat vai dat unnimus doalut maid sáhttet birgejumi viežžat guolásteamis?
– Ođđa reguleremat ja stivremat daidda. Álggahanearri nuoraide.
Sámegielat, movt berre Sámediggi láhčit dili nu ahte nannejuvvojit čuovvovaš áigodagas?
– Sámegiela oažžut mánáidgárddiide, oažžut eambbo oahppan sámegieloahpaheddjiid ja ođđadárogiela lonuhit sámegielain.
Makkár ođđa bargosajiid lea dehálaš vuoruhit čuovvovaš áigodagas?
– Turismma
Guhte ášši lea čuohcan dutnje eanemusat ja manne?
– Jovsset Ante ja su dáistaleapmi stáda vuostá.
