Maid livččet dahkan jos stállu livččii suoládan du juovlaskeaŋkkaid? Vuollánan ja ávvudan juovllaid skeaŋkkaid haga? Nu eai daga gal Mánáid-tv Stálugilvvuid roastilis mánát.
Nu eai daga gal Mánáid-tv Stálugilvvuid roastilis mánát. Sii ohcet stálu ja hástalit su gilvui.
Fidnen dihtii skeaŋkkaid ruovttoluotta, de fertejit vuoitit gilvvuid. Jos vuoittáhallet, de šaddet stálu biigot reŋgot agibeaivvi.
Vurdet olu mánáid
Maŋŋebárgga 8/11 lea stuorra dáhpáhus studio Sámis, go NRK Sápmi vuordá máŋga čuođi máná dán beaivve.
Beaivet leat doalut nuoramus mánáide, go ođđa TV-násti ihtá hui fargga TV:i ja eahkedis leat doalut stuorábus mánáide.
De dalle boahtá stállu ja NRK Sápmi sávvá ollu mánáid maid de boahtit studio Sápmái diibmu 1800.
15 prográmma
Stálugilvvut lea NRK Sámi Mánáid-tv gilvoprográmma, mii lea ráhkaduvvon 7–12-jahkásaš mánáid várás.
15 prográmmas oaidnit 30 máná gilvaleamen ja sii bohtet Vuotnabađas, Unjárggas, Ohcejogas, Gáregasnjárggas, Kárášjogas, Guovdageainnus, Mázes, Álttás, Gárasavvonis, Čohkkirasas, Romssas ja Sálliris.
Bovde studioi
NRK Sápmi bovde geahččat Stálugilvvuid Studio Sámis Kárášjogas maŋŋebárgga skábmamánu 8. beaivvi dii. 18.00.
Doppe maid guossohit káfe, váffeliid ja sáftta.
Čájáhusprográmmas gilvaleaba Guovdageainnu mánát.
Stálugilvvuid oainnát skábmamánu 30. beaivvi rájes NRK Superis.