Gieldda- ja ođasmahttinministtar Monica Mæland galleda Sámedikki Kárášjogas duorastaga cuoŋománu 12. beaivve, ihttin galleda Guovdageainnu, earet eará galgá deaivvadit ovttain dain sámi nuorra ofelaččain.
Otne eahkedis seaivu Gieldda- ja ođasmahttinministtar Monica Mæland Áltái ja galgá eahkedis deaivvadit Álttá sátnejođiheaddjin Monica Nielsenin.
Ihttin lea vuolgga Guovdageidnui gos earet eará galleda Sámi Allaskuvlla, Riikkaidgaskasaš boazodoalloguovddáža ja Sámi joatkka- ja boazodoalloskuvlla. Mæland maid deaivvada Guovdageainnu sátnejođiheaddjin Johan Vasarain.
Galleda boazosápmelaččaid ja Sámedikki
Ovdal gaskabeaivvi vuolgá Gieldda- ja ođasmahttinministtar Monica Mæland skohtermátkái, gos galleda boazosápmelaččaid.
Eahkedis deaivvadeaba sámediggepresideanttain, Aili Keskitaloin, mállásiidda.
Duorastaga lea Mæland Kárášjogas gos galleda Sámedikki, muđuid deaivvada Kárášjoga sátnejođiheaddjin Svein Atle Sombyin ja Porsáŋggu sátnejođiheaddjin Aina Borchain.