-Almmuhus-
-Almmuhus-
OĐĐASAT Stáhtaministtar hoahppobovde preassakonferánsii korona ja mátkkošteami birra

Stáhtaministtar hoahppobovde preassakonferánsii korona ja mátkkošteami birra

-

-

Stáhtaministtar Erna Solberg ja dearvvašvuođaministtar bovdeba preassakonferánsii gaskavahku diibmu 14. Fáddá lea koronadilálašvuohta ja mátkkit.

Álbmotdearvvašvuođainstituhtta lea evttohan ahte guhtta riikka, Islánda, Malta, Nederlánda, Polen, Kypros ja Fearasullot, šaddet rukses riikkan. Dat guoská maid olu guovlluide Ruoŧas ja Danmárkkus, nu go Värmland ja Midt-Jylland.

Muhto dán ferte mearridit ráđđehus ovdal go riikkain «rievdá ivdni».

Maiddái Álbmotdearvvašvuođainstituhta dearvvašvuođadirektevra Bjørn Guldvog ja ossodatdirektevra Line Vold searvaba preassakonferánsii, mii lea boađus das go dáid beivviid lea lassánan njoammunlohku olu guovlluin riikkas ja fáttarfeasttat gos njoammunsuddjennjuolggadusat olu gávpogiin eai čuvvo.

Ráđđe šluhttet olgoriikamátkkiid

Dearvvašvuođaministtar geažuhii sakka maŋŋebárgga ahte nuorat ollesolbmuid hárehisvuohta lea sivvan go njoammun lea leavvagoahtán dáid beivviid. Seammás čuoččuha son ahte rahpat olgoriikamátkkoštemiid buktet lasi njoammunriskka, ja sáhttet boahtit gáržžádusat jus šaddá dárbu.

Badjelaš bealli koronanjoammumis mii Norggas lea leamaš maŋimuš vahkkuid lea boahtán olggobealde riikka, Álbmotdearvvašvuođainstituhta vahkkoraporttaid mielde.

Maŋimuš bearjadaga hásttuhii ráđđehus norgalaččaid šluhttet olgoriikamátkkiid sihke rukses ja ruoná riikkaide, muhto ávžžuhus ii lean hámolaš mátkeráđđi biddjon Olgoriikkadepartemeanttas.

Njálbmesuddjenráđđi evttohuvvon bearjadaga

Beaivvi ovdal dajai stáhtaministtar ahte son vuorjašuvvá Norgga njoammundilálašvuođa dihte. Son jáhkii boahtit gáržžideami njoammunsuddjendoaimmabijuid geahpádusain.

Čuovvovaš preassakonferánssas dien beaivvi giddii ráđđehus alkoholaguossoheami maŋŋel gaskaija. Sii celke maid ahte sii vurdet plánaid rahpamis doaluid eambbo go 200 olbmui, ja ahte sáhttá boahtit ávžžuhus geavahit njálbmesuoji kollektiivajohtalusas.

Go guoská njálbmesuodjái, gežuhii dearvvašvuođaministtar Høie maŋimuš maŋŋebárgga ahte norgalaččat fertejit leat gergosat ahte boahtá njálbmesuodjeráđđi kollektiivajohtolahkii bearjadaga.

©NTB

- Advertisement -
-Almmuhus-