-Almmuhus-
OĐĐASATStáhtafitnodagain dinejit dievddut buoremusat jođiheaddjin

Stáhtafitnodagain dinejit dievddut buoremusat jođiheaddjin

-

-

Nissoniid dienas stáda fitnodagain lea sullii 84 proseantta dievdduid bálkkás.

Nissoniid ja dievdduid jođiheaddjibálkká earuha gaskamearálaččat 419.000 ruvnnu, čájehit Dagens Næringsliv logut.

Aviisa lea guorahallan man olu jođiheaddjit dinejit 42 stádafitnodagas, sii leat geavahan diimmá livnnetloguin veahkkin barggus.

 – Lea vejolaš ahte fitnodagain vealahit nissonolbmuid, muhto vealaheapmi ii álgge ovdal nissonolbmot riegádahttet mánáid. Dutkan čájeha maid ahte nissonolbmot eai leat seamma duostilat go dievddut bálkášiehtadallamiin, lohká Norgga gávpeallaskuvlla professor Kjell G. Salvanes.

Dagens Næringsliv deattuha ahte ferte vára go dulko loguid go livnnetlogut eai čájet leat go olbmot dinen olggobealde iežaset váldobarggu, čállá NTB.

-Almmuhus-