Norgga direktoráhtat ja etáhtat eai galgga šat sáhttit heaittihit stáhtalaš kantuvrraid departemeantta dohkkeheami haga. Stáhtalaš bargosajiid ja bálvalusaid lokaliserema njuolggadusat rivde stáhta meannudeamis mannan bearjadaga
– Mii fertet garvit ahte eaŋkilsajit fáhtehallet garrasit go stáhtalaš bargosajit sirdojuvvojit dahje heaittihuvvojit, lohká gielda- ja ođasmahttinministtar Monica Mæland preassadieđáhusa bokte.
Njuolggadusat galget dagahit ahte stáhtalaš bargosajit leat miehtá riikka. Dán rájes galget mearrádusat loktejuvvot politihkalaš dássái ja rivttes departemeanta galgá meannudit dan. Dat galgá gielddaide addit unnidit negatiivva váikkuhusa. Departemeanta galgá maid árvvoštallat ahte sáhttá go stáhtalaš bargosajiid ja doaimmaid sirdit Oslos eret, dahje eret guovddáš gielddain Oslo birra, go stáhta etáhtaid leat dál ođastahttimin.
(©NTB)
