Romssa gávpogis lea bálkkašansoahpamuš stáhtain 2020-2033 áigodahkii. Dat galggašii buoridit kollektiivajohtolaga ja geahpedit biilageavaheami. Dál oažžu Romssa gávpot birrasii 90 miljovnna kruvnna maid sáhttá geavahit kollektiiv johtolaga buorideapmái.
– Maiddái Romssas oaidnit mii ahte pandemiija ja gáržžideamit leat váikkuhan kollektiivajohtolahkii ja priváhta biilla geavaheapmái. Biilavuodjin lea lassánan maŋimuš jagi, muhto seammás lea maid kollektiivajohtolat lassánan, nu ahte dál lea Romssa gávpot fas seamma mielčuovvu logus go jagi 2019:s. Lea illudahtti go kollektiivajohtolat lea lassánan. Ruhtadoarjja lea dehálaš go vuoruhit kollektiivafálaldaga, lohká johtolatministtar Jon-Ivar Nygård preassadieđáhusas.
Johtolatdepartemeanta máksá dál sohppojuvvon bálkkašumi ruhtasupmi 2022 ovddas, mii lea 69,1 miljovnna kruvnna bálkkašandoarjja ruhta ja 21,3 miljovnna doarjja geahpedit kollektiivajohtolaga bileahttahattiid.
Ulbmil bálkkašandoarjaga soahpamušain Romssa gávpogiin lea geahpedit dálkkádatgássanuoskkideami, ráiddu, áibmonuoskkideami ja rieja beaktilis areálageavaheami bokte ja ahte olbmot geavahit kollektiivajohtolaga go dárbbašit sáhtu, ja go sihkkelastet ja vázzet.
