Norgga stáhtas lei nuppi kvartálas 634 miljárdda ruvnnu sisaboahtu. Dat lea alimus lohku ovtta kvartálas goassege.
Buohtastahttojuvvon nuppi kvartálain diibmá, de lassánii sisaboahtu 309 miljárdda ruvnnuin, dahje 95 proseantta, čájehit Statistalaš guovddášdoaimmahaga Stáhtarehketdoalu ođđa logut.
Alit sisaboahtu stáhta oljo- ja gássadoaimmain, ja dasa lassin ahte stáhta dine eambbo vearuin ja divadiin, leat váldosivat manin Norgga sisaboađus lea nu stuora olahus.
Sisaboahtu oljo- ja gássadoaimmas lassánii 95 miljárdda ruvnnos nuppi kvartálas diibmá, 122 miljárdii nuppi kvartálii dán jagi. Sisaboahtu vearuin ja divadiin lassánii 181 miljárdda ruvnnos cuoŋománus geassemánnui diibmá 385 miljárdda ruvdnui dán jagi.
Dán rádjái dán jagi lea stáhta sisaboahtu leamašan masá 1 161 miljárdda ruvnnu.
(©NTB)
