-Almmuhus-
OĐĐASAT – Stáhta galgá stivret ambulánsa­girdiid

– Stáhta galgá stivret ambulánsa­girdiid

-

-

Jonas Gahr Støre (BB) lohpida stáhtalaš stivrejumi ambulánsagirdiin jus son šaddá stáhtaministtarin.

Jonas Gahr Støre lea dán vahkku Romssas ja Finnmárkkus oažžun dihtii oaiviliid Bargiidbellodahkii. Støre dadjá ahte stáhta dat galgá váldit ovddasvástádusa ambulánsagirdide jus son šaddá stáhtaministtarin boahttevaš válggas.

– Luohttámuškriissa duođalašvuohta lea šaddan čielgaseabbon go ráđđehus lea nannen ambulánsagirdiid kapasiteahta lassi doaibmabijuiguin – lasihan ovtta girdi Romsii ja ovtta ambulánsahelikoptera Girkonjárgii – dan dihte go olbmot davvin eai leat oadjebasat. De oaivvildan: Bargiidbellodat áigo  bargagoahtit ahte stáhta váldá badjelasas dán barggu go mii boahtit ráđđehussii, dadjá Støre VG:i.

–  Lean hirpmástuvvan

Bargiidbellodaga ovdaolmmoš muitala ahte sii áigot váldit vuhtii ovddeš šiehtadusaid ja áigot gulahallat Babcockain vuoi sii gávdnet čovdosa. Son oaivvilda ahte luohttámuš čielggadeapmái bálvalusa birra, mii lea jođus ráđđehusas, raššu go fágasearvi eai leat mielde čielggadanbarggus.

– Mun lean hirpmástuvvan go Bargiidbellodat konkludere ovdal go sii leat ožžon čielggadeami bálvalusa birra, maid sii ieža leat dáhtton. Støre:ii ii leat šat gelbbolašvuođavuđot politihkka dehálaš ja sáhttá boahtit dillái gos válljejuvvon áššedovdi evttoha eará modealla go dan maid Bargiidbellodat dal háliida, vástida dearvvašvuođaministtar Bent Høie (O) VG:ii.

Jus Støre šaddá stáhtaministtarin, de son maid lohpida ahte Finnmárku beassá fas iežas fylkkan.

(©NTB)

- Advertisement -
-Almmuhus-