Dál addá stáda 13 000 ruvnno doarjaga jus gálvobiilla, mii manná fossiila boaldámušain, doalvvut biiladuvdnái, ja oatstát dahje láigohat biilla mii ii nuoskkt obanassiige.
Ođđa doarjjaortnegiin áigot eambbogiin boktit beroštumi unnidit dálkkádatgássasuođđama gálvojohtolagas, ja doaibma lea dohkkehuvvon Stuoradikkis.
Lassin oažžu dábálaš rokčenpántta maid, dieđiha Birasdirektoráhtta sin neahttasiiddus.
Ruonášilttat vuoján
Sihke priváhtaolbmot ja fitnodagat sáhttet ohcat dan doarjaga, man geavaha go áigu oastit dahje láigohit biilla mas ii oba ge suođa nuoskkideapmi go vuodjá dainna.
Go lea nullasuođalašgálvobiila, de lea elektrihkalaš dahje hydrogena gálvobiillas sáhka. Hybrida ja láddenhybrida biillat eai guoskka dán ortnegii.
Gálvobiila lea biila mainna doalvu gálvvu, vuojánjoavku N1, mas lea dohkkehuvvon ollislaš deaddu vuollel 3500 kilo. Dáin vuojániin leat ruoná šilttat.
Birasdirektoráhtta máksá doarjaga mii lea 13 000 ruvnno. Dábálaš rokčenmáksu boahtá lassin. Fertet duođaštit ahte gálvobiilla ovddas leat oastán fas dakkár gálvobiilla mas ii leat nuoskkideapmi, ja goappašit vuojániid registrerennummarat fertejit mielde duođaštusas.
