-Almmuhus-
-Almmuhus-
-Almmuhus-
OĐĐASAT– Sprayejuvvon duoljit

– Sprayejuvvon duoljit

-

-

Ávvir lea háleštan muhtimiin guhte lea leamaš geahččamin duljiid mat gávdnoje Mázes ikte.

Ávvir lea háleštan ovtta olbmuin guhte lea leamaš báikkis ja oaidnán duljiid. Dat olmmoš ii hálit namas almmuhit áviissa bokte.

– Árvvoštalan ahte doppe ledje birrasiid 40-50 duolji. Duoljit ledje oktan julggiiguin, muhto bealjit ledje čuhppojuvvon eret. Oidno ahte muhtin duoljit leat sprayejuvvon alit ja rukses sprayain. Mu mielas eai orron duoljit čihkkojuvvon, muhto baicce biddjon dakkár báikái gos livčče giđđadulvvi mielde mannan.

 

Loga maid: – Ii oktage leat dieđihan iežas váillahit 40 heakka

 

Dálvvi rájes

Boazopolitiijabálvá Torbjørn Berg lohká Ávvirii ahte duoljit eai oro aitto njuvvon.

– Dat orrot dán dálvvi njuvvon, dadjá Berg.

Dan oaivvilda maiddái dát olmmoš guhte lea fitnan báikkis.

– Duoljit eai oro aitto buktojuvvon dása. Jáhkán dat leat dálvvi rájes orron das. Duoljit leat muohttaga alde, muitala gáldu gii ii hálit almmuhit namas aviissas.

-Almmuhus-