Norga ja muđui Eurohpa sirdá fas diimmu geasseáiggis dábálaš áigái sotnabeaivvi čuovganeapmái.
– Dat illudahttá mu beassat muitalit ahte lea fas áigodat dábálaš olbmuide. Min ekonomiija lea buorráneamen ja koronagáržžideamit leat jávkaduvvon, nu ahte viimmat beassat fas sirdit dábálaš olbmuid diimmu ja oađđit diimmu guhkit buriin oamedovdduin, dadjá ealáhusministtar Jan Christian Vestre (Bb) preassadieđáhusas.
Ealáhusministaris lea Justervesenet ovddasvástádus, gii fas goziha Norgga almmolaš áiggi. Nu lea son maid Norgga áigeministtar.
– Geavahehket dan lassi diimmu bures, go mii fertet váldit vára dan áiggis mii mis lea. Diimmá ektui lea ollu rievdan, go dál besset boahkuhuvvon olbmot buorrestit nubbi nuppi, ja dan berrejit buohkat vuoruhit, dadjá Vestre.
2018 rájes leat EU-ásahusat digaštallan heaittihit geasse- ja dábálaš áiggi, ja nu maid sirdit diimmu. Ášši lea ain meannudeamis alimus dásis Uniovnnas.
(©NTB)
