Eanaš norgalaččain lea buorre dilli. Mis lea hui ávnnaslaš eallinstandárda ja hukset luohttámuša, sosiála oktavuođaid ja vejolašvuođaid searvat. Sosiála earáláganvuohta eallinvugiin ja eallindiliin dahket maid sosiála earáláganvuođaid dearvvašvuođas, čájeha ođđa raporta.
Dearvvašvuođadirektoráhtta lea ráhkadan dearvvašvuođadieđáhusa 2017 mas boahtá ovdan movt servvodat čuohcá álbmoga dearvvašvuhtii. Raporta lea reaidun álbmotdearvvašvuođapolitihka ovdánahttimii.
Odne, gaskavahkku, geigii Dearvvašvuođadirektoráhtta raportta stáhtaráđđái Åse Michaelsenii.
– Leat guokte jagi golihan ovddit raportta rájes. Máŋgga sajis leat unnibuš rievdadusat, muhto leat ovdáneamit maid mun oaivvildan leat dehálažžan mearkkašit, lohká Bjørn Guldvog preassadieđáhusas.
Bajásšaddandilli
Bajásšaddama ektui lea ovdánan nu ahte leat ollu mánát geat leat mánáidgárddiin, muhto minoritehtagielat mánát leat unnit.
Raporttas boahtá maid ovdan ahte mobbenlogut leat lassánan, ja ohppiid heaitin joatkkaskuvllas lea njiedjan, muhto lea ain allat, dieđiha Dearvvašvuođadirektoráhtta preassadieđáhusas.
Ekonomalaš eallindilis váikkuhus
Sosiála dearvvašvuođaerohusa unnideamis ferte geahččat sivaide mat dagahit dakkár dili. Dan dihte lea ekonomalaš dilli maid namuhuvvon raporttas.
Maŋemus jagiid ovdáneapmi čájeha lassáneami ekonomalaš erohusain Norggas.
Eará bealit mat gusket ekonomalaš eallindillái
- Bálkáerohusat lassánit, muhto lea dan dihte unnimus erohus Eurohpás.
- Dál leat eambbosat sin gaskkas geain lea unnimus dienas lea.
- Lassánit mánát geat gullet bearrašiidda gos unnán dienas lea. Lea maid sii geain heajumus ráđđi lea ja geat leat gaskal 18-34 geat gullet dan stuorimus jovkui geain lea unnimus dienas.
- Vuorraset olbmot geain lea unnán dienas, leat unnon.
- Sii, geain lea alla loatna, leat lassánan dássedit maŋemus logi jagi.
- Stuorát erohusat ekonomalaš diliin sáhttá váikkuhit dearvvašvuhtii áiggi badjel.
