-Almmuhus-
KULTUVRASondre Justad fas Sørøyrockenii

Sondre Justad fas Sørøyrockenii

-

-

Jagi 2015 rájes leat geahččit háliidan Sondre Justad ruovttoluotta fas Sørøyrockenii. 2017:s máhccá son fas ruovttoluotta!

Sørøyrockenis lei álggu rájes juo ulbmil ovddidit davvi-Norgga artisttaid, ja nu leat ge dahkan.

2015:s lávllui Sondre Justad Sørøyrockenis, ja dan rájes leat geahččit háliidan su ruovttoluotta!

 

Áigu ruovttoluotta Sállanii

Ii lean eahpečielggas liikojedje go geahččit Justad diibmá, ja dat dagaha ge ahte son áigu ruovttoluotta fas.

– Justad barggai hui buori barggu go lei Sállanis, ja sihke mii háliidit ja son ieš háliida ruovttoluotta, lohká festivála jođiheaddji Ken A. Brox.

 

Beaggán «Riv i hjertet» lávlagiin

Dan rájes go “Riv i hjertet” lávlla almmuhuvvui, de lea dat beaggán eanaš rádiokanálain guhkkit áigge.

– Justad bargá buori barggu. Son lea nominerejuvvon iešguđet p3-gull bálkkašumiide, ja doaivvun su birget bures Spellemannbálkkašumis maid mii lea boahtte jagi, loahpaha Ken A. Brox.

-Almmuhus-