-Almmuhus-
-Almmuhus-
-Almmuhus-
OĐĐASATSon oaččui 100 000 euro filbmii

Son oaččui 100 000 euro filbmii

-

-

Sámi filbmadahkki Paul Anders Simma lea ožžon Suoma filbmafoanddas buvttadandoarjaga “New Norway” nammasaš dokumentára filbmaprodukšuvdnii.

Buvttadanfitnodat Saamifilmi Oy lea ožžon Suoma filbmafoanddas 100 000 euro (sullii 925 duhát norgga ruvnno) buvttadandoarjaga dokumentárafilbmii man bagadallá ja giehtačállá Paul Anders Simma, dieđiha Yle Sápmi.

 

Dokumentárafilbma masa Simma lea ožžon doarjaga, muitala muhtumiid birra, geat áŋgiruššet hukset buoret Norgga Suomas, čállá Yle Sápmi.

Simma lea ožžon jo ovdal “New Norway” filmma váras 15 000 euro (sullii 138 duhát norgga ruvnno) ovddidandoarjaga Suoma filbmafoanddas.

Dán jagis ledje 126 ohcamuša muhto Suoma Filbmafoanda meannudii doarjut 85 ohcama oktiibuot 3 058 396 euroin mii lea fas sullii 28 millijovnna 307 duháha norgga ruvnno.

-Almmuhus-