-Almmuhus-
OĐĐASATSon jođiha Duohtavuođa­raportta barggu Stuora­dikkis

Son jođiha Duohtavuođa­raportta barggu Stuora­dikkis

-

-

Lubna Jaffery galgá jođihit Stuoradikki barggu Duohtavuođa- ja soabahankommišuvnna raporttain.

Bearráigeahččan- ja vuođđudanlávdegoddi lea válljen Bargiidbellodaga stuoradiggeáirasa Lubna Jaffery Duohtavuođakommišuvnna raportta áššejođiheaddjin.

Duohtavuođa- ja soabahankommišuvnna viiddis raporta geigejuvvui Stuoradiggái geassemánu 1. beaivvi, ja dál galgá Jaffery jođihit raportabarggu Stuoradikkis.

Raporta galgá vuos meannuduvvot viidáseappot bearráigeahččan- ja vuođđudanlávdegottis, ovdal go Stuorradiggi dievasčoahkkimis dahká mearrádusaid. Sámediggi áigu meannudit raportta čakčii. 

– Dát lea stuora bargu, masa manan vuollegašvuođain. Duohtavuođa- ja soabahankommišuvnna raporta čuohcá dovdduide, ja kommišuvdna lea dahkan dehálaš barggu mii addá midjiide eanet máhtu dán bahča oasi birra min historjjás, dadjá Lubna Jaffery preassadieđáhusas, ja joatká:

– Duohtavuohta lea ahte ollu sápmelaččat, kveanat/norggasuopmelaččat ja vuovdesuopmelaččat eai leat ožžon lobi ealli iežaset kultuvrrain, gielain ja eallinvugiin. Stuoradiggeáirrasin dovddan earenoamáš ovddasvástádusa go dát lea boađus maid háliidedje olahit politihkain maid Stuoradiggi lea mearridan, cealká Jaffery. (©NTB)

-Almmuhus-