Namma: Per Anders Siri
Ahki: 50
Guovlu: Orjješ-Ráisa
1. Galle suohkana leat Finnmárkkus?
– In dan gal sáhte diehtit.. Vissa leat 15. Boastut!
Rievttes vástádus: 19
2. Maid boazu bargá go čallá?
– Na, boazu gal de ráidne námiid eret čorvviin. Riekta!
3. Joatkke lávllateavstta «Suohpan šnjivihii, čeabehii sorastii …»
– Ivnniiguin lávlla dat lea goid die. Lean gullan nu máŋgii, muhto in muitte gal mo dat lea. Boastut!
Rievttes vástádus:
«njoarosteaddji bođii ja miesi merkestii»
Siri oaččui ovtta čuoggá álgogažáldagain, iige beasa de liigegažaldagaid vástidit. Son beassá liikká válljet árvádusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta, de oažžu: Rukses árvádus lea váddáseamos ja das oažžu 15 čuoggá, alit árvádusas 10 čuoggá, ja ruonás fas 5 čuoggá.
Siri vállje alit ivnni, ja de oažžu dán árvádusa:
Man galle ealli juohke sohkabealis válddii Moses árkii mielde?
Son válddii ovtta juohke eallis. Muhtin elliin válddii čieža, daid bassielliid. Boastut!
Rievttes vástádus: 0. Noah lei guhte válddii elliid árkii.
Galle čuoggá oktiibuot: 1.
– Dát lei somá go eai lean nu duođalaš gažaldagat, ja nu vuogas gažaldagat.
Juohke gilvaleaddji beassá hástalit ođđa gilvaleaddji Ávvira geassegilvui. Siri háliida hástalit Risten Ánne Siri searvat Ávvira geassegilvui.
– Mun áiggun hástalit iežan oappá, Risten Ánne Siri.
Njunnošis: Isabel Kemi, 19 jagi, 11 čuoggá
