Olbmot geain lea sohkardávda ja geavahit sohkargeahpidandálkasiid fertejit ođasmahttit vuodjinkoartta.
– Vuodjinkoartaláhkaásahus lea rievdaduvvon nu ahte olbmot geat geavahit sohkargeahpidandálkasiid dárbbašit dearvvašvuođaduođaštusa mas lea maksimála viđa jagi dohkálašvuohta, dadjá Synnøve Vebostad Stáda geaidnodoaimmahaga preassadieđáhusas.
Dat gáibádus lea boahtán go olbmuid, geat geavahit sohkargeahpindálkasiid, ferte doavttir dávjá čuovvulit.
– Dat mearkkaša ahte buohkat geat geavahit dakkár dálkasiid ja geain lea vuodjinkoarta mii lea dohkálaš badjel vihtta jagi, fertejit ođasmahttit vuodjinkoartta ovdal 2022 loahpa, dadjá Vebostad.
Dat guoská sidjiide geain lea vuodjinkoarta mii lea dohkálaš badjel vihtta jagi dan rájes go leat ožžon koartta.
Gáibádus guoská sidjiide geain lea vuodjinkoarta vuodjinkoartajoavku 1, mii fátmmasta AM, S, T, A1, A2, A, B, BE.
