Ráđđehus lea mearridan rievdadit sohkabealspesifihkka virgenamaid vai šaddet sohkabealneutrálan buot stáda doaimmain.
– Ráđđehus lea mearridan ahte stáda bajimuš áirasis fylkkain galgá sohkabealneutrála namma ođđajagemánu 1. beaivvi 2021 rájes, dadjá gielda- ja ođasmahttinministtar Nikolai Astrup.
Astrup lohká leat boaresáigásažžan go virgenamahus lea čadnon dasa makkár sohkabealli lea.
– Mii diehtit ahte leat olu oainnut das mii dálá fylkkamánni galgá gohčoduvvot boahtteáiggis, ja áigut geavahit áiggi ovddos guvlui guldalit álbmoga oaiviliid, dadjá Astrup.