Ruoŧa ja Suoma soalddáhat sáhttet oidnogoahtit Norgga bealde ráji. Dál galget álkidit rádjerasttildeami vuogádaga Davviriikkain.
Ruoŧa ja Suoma soalddáhat sáhttet oidnogoahtit Norgga bealde ráji. Dál galget álkidit rádjerasttildeami vuogádaga Davviriikkain.
Mihttu lea ahte okta ossodat ovdamearkka dihte Romssas galgá sáhttit jođánit dohppet ávdnasiid, vearjjuid ja rusttegiid, ja vuoddját Girkonjárgii Ruoŧa ja Suoma čađa.
Addet earáide lobi boahtit Norgii
– Mun jáhkán ahte fargga sáhttit 48 diimmus vuojistit ránnjáriikkaid čađa uniforpmaiguin ja vearjjuiguin. Ruoŧŧelaččat ja suopmelaččat sáhttet álkit boahtit Norgii jus dárbbašit hárjehallat. Norgii lea dát oassi dan barggus maid mii leat jo čađahan, ahte heivehit eará našuvnnaide vejolašvuođa hárjehallat Norggas, muitala oberstløytnánta Bjørn Benjaminsen Forsvarets Forumi.
Diimmu ovdal dieđihit
Dál leat maid bargame šiehtadusain mii sihkkarastá ahte ránnjáriikkain sáhttet seaivut girdiin main leat soahtevearjjut.
– Norga, Ruoŧŧa, Suopma ja Danmárku dahke geasset šiehtadusa ahte militearagirdit main eai leat vearjjut, galget sáhttit seaivut ránnjáriikkas, ja Islánda galgá maid leat mielde šiehtadusas. Mii sáhttit plánet militeara girdimiid eará seaivunsajiide ránnjáriikkain mat gullet Davviriikkaide, ja sii galget diimmu siste oažžut dieđu ovdal go lea vuolgga, muitala Benjaminsen.
Šiehtadusa rievdadit
Dál sáhttet girdit seaivut ránnjáriikkas dušše jus leat šiehtadan, hárjehallamin dahje jus lea njuolgut heahti.
– Dás lea hupmu diplomáhtalaš ovdagihtii šiehtaduvvon rádjerasttildeami mii lea doaimmas guhkit áiggi, vaikko jagi hávális, lohká Benjaminsen.
(©NTB)
