Boahttevaš vahkkuid leat unnán bargit Guovdageainnu doaktárkantuvrras. Bargit váldet luomu, ja seammás galget joatkit boahkuhemiin ja váldit covid-19 iskosiid.
Dat mearkkaša ahte sáhttá šaddat guhkit vuordináigi telefovnnas go mii dábálaččat láve. Sii čállet ahte riŋgejit ruovttoluotta jus eai olle vástidit, dat čuožžu Guovdageainnu suohkana neahttasiiddus.
Dál fállet maid unnánat doavttirdiimmut go dábálaččat. Jus dus lea vejolašvuohta vuordit, de ávžžuhit dan dahkat dassái buot bargit leat sajis, maŋŋá geasseluomu.
