Ii mihkkege leat dáhpáhuvvan Finnmárkku politiija guovllus maŋemus 18 diimmus.
Ii mihkkege leat dáhpáhuvvan Finnmárkku politiija guovllus maŋemus 18 diimmus.
Finnmárkkus lea dál nu jaskat politiijain, ahte besset measta vuoiŋŋastit.
Lea 18 diimmu áigi go Oarje-Finnmárkkus leat politiijat dieđihan maidege Twitteris, ja badjel jándora áigi fas go Nuorta-Finnmárkkus lea mihkkege dieđihuvvon Twitteris.
Politiijat leaikkastallet ahte soaitá dat fiinna dálki mii dahká ahte bahádahkkit eai bargga baháid.
Bargu lihkká
Maid politiijat barget go ná jaskat lea?
– Na eat mii dan dihte asta julggiid cekkohallat, lohká Oarje-Finnmárkku operašuvdnajođiheaddji Magnus Siljehaug.
– Go lea jaskat, nu go dál, dalle mii bargat eará bargguid. Mii vuoddjit ja geahččat ahte visot manna nu go galgá, mii dutkat áššiid, mii divodit biergasiid, ja nu ain, muitala son.
Erenoamáš jaskat
Siljehaug maid duođašta ahte lea leamaš erenoamáš jaskat Finnmárkkus dál, ja lohká ahte láve sáhttit ná maid.
– Lea dáhpáhuvvan ahte lea leamaš dan mađe jaskat, muhtumin mis lea fas issoras olu bargu mánnodagaid. Nie dat manna, vuohkuid mielde, lohká son vel loahpas.
