– Lea movttiidahtti gullat ahte Sámi Grand Prix-lágideaddjit háliidit NRK Sámi mielde musihkkadoaluide Guovdageainnus, dadjá NRK Sámi direktevra Mona Solbakk NRK Sápmái, maŋŋil go Sámi Musihkafestivála bealis háliidit fas ovttasbarggu NRK Sámiin.
– Lea movttiidahtti gullat ahte Sámi Grand Prix-lágideaddjit háliidit NRK Sámi mielde musihkkadoaluide Guovdageainnus, dadjá NRK Sámi direktevra Mona Solbakk NRK Sápmái, maŋŋil go Sámi Musihkafestivála bealis háliidit fas ovttasbarggu NRK Sámiin.
Sámi Musihkkafestivála almmuhii odne ahte Sámi Grand Prix gilvvu beassá oaidnit neahtta-streama bokte, muhto doallá ain uvssa rabas ságastallat ovttasbarggu NRK Sápmiin boahtteáiggis.
Loga maid: Sámi Grand Prix oaidnin ládje neahta bokte
Šiehtadusa oažžut sadjái
– Mun sávan ahte mii dás duohko nagodit čohkket olbmuid ja resurssaid mat galget nagodit dán buvttadit vai lea albma buorre radios, ja vaikko neahtasge. Muhto mii fertet oažžut sadjái guhkit áigge šiehtadusa, gos galgá sadji buoridit juohke jagi. Nu go mun oainnán, de lea mu mielas NRK Sámis seamma stuora geatnegasvuohta buvttadit SGP sihke TV:i ja radioi, go Sámi musihkkafestiválas lea sihkkarastit ahte dat galgá álbmogii gullot, lohká Sámi musihkkafestivála buvttadeaddji Nils Johan Vars NRK Sápmái.
– Fertet beassat váikkuhit sisdollui
– Mu mielas lea hui movttiidahtti gullat ahte háliidit NRK Sámi mielde, ja NRK Sápmi gal lea gearggus ságastallagoahtit musihkafestivála lágideddjiiguin movt mii sáhtášeimmet nannet sámi musihka obbalohkái, dadjá NRK Sámi direktevra, Mona Solbakk.
NRK Sápmi lea ovdal ovttasbargan Sámi musihkkafestiválain, muhto geassádii doaluin 2014:s, ovdal go ođđa direktevra virgáduvvui NRK Sápmái.
