-Almmuhus-
-Almmuhus-
OĐĐASAT Soaitá boastut juhkat gehppe­smielkki jus áigu geahpput

Soaitá boastut juhkat gehppe­smielkki jus áigu geahpput

-

-

Dutkit leat gávnnahan ahte mánát geat juhket čielgamielkki ledje geahppasit go sii geat juhket geahppamielkki.

Dutkit konkluderejit ahte ávžžuhusat juhkat gehppesmielkki ii aŋkke soaitte suddjet buoidivuođa vuostá, čállá Forskning.no. 

Buoiddis lea ollu energiija. Danne lea oaivilduvvon ahte mielki mas lea ollu buoidi dahká du losibun go gehppesmielki. Ovtta láse čielgamielkkis leat measta 100 kcal, ja gehppesmielkkis ges beali unnánat.

Ávžžuhusat

Dan dihte leat Norgga eiseválddit ávžžuhan mánáide ja rávesolbmuide geahppameieriijabuktagiid. Dál aŋkke leat dutkit gávnnahan ahte ii soaitte nu álki ahte buoidi mielkkis lossuda olbmo. 

Guorahallan dutkosiid

Kanádalaš dutki Shelley Vanderhout  ja su kollegat Toronto universitehtas leat guorahallan dutkosiid mat leat dahkkon mielkemálliid ja mánáid deattu ektui. Sii gehčče 28 dutkosa, gos registrerejedje oasseváldiid mielkejuhkama ja gehčče dan čoahkkisvuođamihtu ektui. Dat čájehii ahte 18 dutkosiin konkluderejedje ahte mánát geat juhke čielgamielkki ledje geahppasit go dat mánát geat gehppesmielkki juhket. Dat logi eará dutkosa eai čájehan erohusaid. Dutkit divvot jearaldaga konklušuvdnii lea go riekta ávžžuhit geahpavariánttaid vuoi garvá buoiduma.

- Advertisement -
-Almmuhus-