-Almmuhus-
OĐĐASATSoai leaba vuot fuomášan «stunta» dahkat

Soai leaba vuot fuomášan «stunta» dahkat

-

-

GLR ii duđa šat dušše radio-digaštallamiid lágidit. Dál váldet lávkki neahtta-TV máilbmái.

Válggaid áigge leat eanas mediat lágidan digaštallamiid politihkkáriid gaskas sihke aviissain, neahttaáššiin ja tv-sáddagiin. Guovdageainnu lagasradio (GLR) lea lágidan radio-digaštallamiid čakčabotta, muhto dál sii áigot maid vuosttaš geardde dan lávkki váldet ahte lágidit válgadigaštallama maid sáddejit neahtta-TVs.

 

Ođđaáigásaš

GLR redaktevra Nils Martin Kristensen lea olles leahtuin ráhkkaneame eahkeda sáddagii. Son čilge na manin radiokanála dál vállje neahtta-TV bokte sáddet digaštallama:

– Lea hui ođđaáigásaš neahtta-TVin dál bargat, buohkat dahket dan. Mii fertet maid geahččalit ođđa vugiiguin guldaleddjiid guoimmuhit, lohká son.

 

Njuolggosátta

Kristensen bovde Guovdageainnu ássit boahtit Pitstop kaféai, odne eahket gos lea digaštallan Guovdageainnu politihkkáriiguin.

– Dat lea njuolggosátta, ja dohko bohtet sátnejođiheaddjievttohasat buot bellodagain. mis galget maid geahččit leat doppe, nu ahte digaštalliide maid šaddá gelddolaš ja miellaláhki loktana digaštallamis, lohká Kristensen.

-Almmuhus-