-Almmuhus-
-Almmuhus-
OĐĐASAT Snuvssat várálaččat dearvvašvuhtii

Snuvssat várálaččat dearvvašvuhtii

-

-

Dutkan lea buohtastahttán snuvssageavaheddjiid ja sin geat eai geavat snuvssaid dahje borggut.

Snuvssageavaheapmi lea ollu lassánan Norggas maŋemus logi jagis, earenoamážit rávesolbmuid gaskkas. Dál lea Dearvvašvuođainstituhtta buktán ođđa raportta mas muitaluvvo makkár dearvvašvuođaváttuid snuvssageavaheapmi sáhttá buktit, čállá forskning.no.

Riegádahttin ja borasdávda

Raporttas muitaluvvo ahte nissonolbmot gat geavahit snuvssaid go leat áhpeheamit sáhttet árrat riegádahttit máná. Lea maiddái vejolaš ahte snuvssageavaheapmi áhpehisáiggis sáhttá dahkat ahte mánná jápmá čoavjái, ahte mánná ii deatte nu olu go galgá go riegáda dahje ahte riegáda keaisárčuohppamiin.

Ođđa raportta mielde lea maiddái jáhkehahtti ahte dievdoolbmuin, geat geavahit snuvssaid, lea stuorát várra oažžut borasdávdda čottabohccái dahje čoavječolgaráksái. Raporttas maiddái namuhit borasdávdda čoavjjis dahje bahtačoalis ja alla varradeattu.

-Almmuhus-