Láhpi ja Ákŋoluovtta gaskkas lea feargaoktavuohta hirbmadit lassánan maŋemus jagiid, ja erenoamážit oktavuohta Ákŋoluktii lea muhtin áigodagain leamašan hástalussan čađahit. Cuoŋománu rájes lasihit vuolggaáiggiid.
Láhpi ja Ákŋoluovtta gaskkas lea feargaoktavuohta hirbmadit lassánan maŋemus jagiid, ja erenoamážit oktavuohta Ákŋoluktii lea muhtin áigodagain leamašan hástalussan čađahit. Cuoŋománu rájes lasihit vuolggaáiggiid.
– Finnmárkku fylkkagielda lea ovttas Snelandia doaimmaheddjiiguin geahčadan vejolašvuođa lasihit feargaoktavuođa, muitala veahkkejohtolathoavda Jørgen Blix.
Lasihit bivnnuheamos áigodaga
Boađusin lea ahte Snelandia lasiha feargajohtolaga cuoŋománus gitta suoidnemánnui. Ákšovuonas Ákŋoluktii ja Ákšovutnii fas lasihuvvo ruvtto njealji beaivvi vahkkus, ja lassi tuvra vel lávvordagaid Beasferdii ja Bártnatvutnii.
– Ii leat hirbmat ollu johtolat, muhto go gaskamearálaččat lea 80 proseantta dievva, kapasiteahta ektui, mánnosaččat, ja váikkuhussan lea ahte ollu fievrrut šaddet báhcit go fanas lea áibbas dievva, ja dan dieđusge eat hálit, muitala Blix, gii sávvá ahte lasiheapmi lea buorre johtolahkii.
