NIVI Analyse AS bargi Geir Vinsand čállá varas raporttas Nordlándda 41 gielddaid birra ahte oassi Nordlándda gielddahálddahusas ii leat fágalaččat dohkálaš, ii riektesihkarvuođa ektui, iige báikeolbmuid dásseárvosaš ja buresbirgenbálvalusaid ektui. Smávimus gielddat leat gártan rossui hálddahusas go lea menddo olu bargu.
Geir Vinsand gii bargá NIVI Analyse AS fitnodagas, lea čađahan gielddaidgaskasaš ovttasbargokártema Nordlándda Fylkkamánni ovddas, čállá Nordlándda fylkkamánni preassadieđáhusa. Sus lea golbma rávvaga: Stuorát gielddat galget buoridit ovttasbarggu smávit gielddaiguin ja das galget leat strategalaš ovttasbargoplánat. Hearkkimus gielddat berrešedje oažžut stáhtalaš čuovvoleami geahpedan dihtii menddo lossa barggu. Čohkket guovllu návccaid vai nagodit cegget nannosit gielddaguovlluid ja ceavzilis bálvalusstruktuvrra olles fylkii.
