-Almmuhus-
-Almmuhus-
OĐĐASAT– SMAK festiválas ledje unnit guossit go lávejit

– SMAK festiválas ledje unnit guossit go lávejit

Journalista

-

-

Mannan vahkkoloahpa lágiduvvui Davvi-Norgga stuorámus borramušfestivála Romssa gávpogis. Birrasii 70 000 olbmo leat maŋimuš jagiid galledan festivála, muhto dán jagi njiejai gussiidlohku.

– Ledje olu guossit dán jagi maid, muhto eai fal seamma olu go leamaš maŋimuš jagiid. Sii geat vuvde borramušaid muitalit ahte johtu ii lean seamma buorre bearjadaga nu go láve, lávvardaga gal ledje dinen sullii seamma olu go eará jagiid. Muhtimat dieđihit ahte sis nohke gálvvut festivála maŋimuš beaivvi, lohká SMAK prošeaktajođiheaddji Hilde Grønbech-Hope. 

Romssas lei čoaskkis ja gaskkohagaid maid arvi mannan vahkkoloahpa. Lei maid dan mađe biegga ahte muhtin borramušvuovdit fertejedje njeaidit gávpetealttáid.
– Árvideames njiejai guosselohku dálkki geažil. Dattetge šattai albma buorre lávvardaga maŋŋelgaskabeaivvi. Beaivváš goardigođii ja olbmot bohte gávpogii návddašit borramušfestivála. Šattai albma álbmotfeastan, nu go jo láve, lohká Grønbech-Hope.

-Almmuhus-