Ráđđehus lea mearridan šluhttet dán giđa eksámeniid.
Dat guoská njálmmálaš, njálmmálaš-praktihkalaš ja praktihkalaš eksámeniidda, dieđiha ráđđehus preassadieđáhusas.
– Mii áiggošeimmet dieđus čađahit eksámena nu go dábálaččat, muhto fylkkat leat addán čielga dieđu ahte mii fertet vuoruhit. Danne vuoruhit mii čađahit privatisttaide eksámeniid. Dat mii lea dehálaš joatkaskuvllaohppiide lea ahte ožžot vuđolaš oppalašárvosáni ja oahppoduođaštusa, dadjá oahppo- ja integrerenministtar Guri Melby (G) preassadieđáhusas.
