-Almmuhus-
OĐĐASATSkuvlamánáid čállosat

Skuvlamánáid čállosat

-

-

Gorravári skuvlla 5-7 sámi luohkát leat searvan «Čálestan dál» gilvui, sin čállosiid logat dás:

TEVDNET

Mun lean hui áŋgir tevdnet. Mun sáhtán sárgut visot maid háliidan. Mun liikon buoremusat tevdnet čalmmiid. Go tevdne lean duššo MUN gii mearridan. Danne lea mu mielas somá tevdnet.

Čálli: Eila Marie Engkvist Muotka

 

OAĐĐIT

Mun lihkan ovtta iđida ja jurddašan….

Manne ii sáhte duššo veallat ja njáŋgat beaivvi miehtá?

Ii ge duššo bargu, skuvla ja mánáidgárdi. Sáhtášii baicca duššo veallat seaŋggas ja oađđit, duššo oađđit.

Mun čohkkádan ovtta iđida luohkkálanjas ja jurddašan… Manne mun in sáhte baicca oađašit?

Jus buohkat livčče dan bargan, dalle eai livčče makkárge doaimmat ja hoahput, duššo vuoiŋŋastit ja veallát.

Čálli: Marie Elisabeth Krokmo

 

OKTA TEAKSTA

Dá lea okta teaksta. Don logát dán teavstta, dán teavsttas ii leat mihkkege. Mun čálán dán teavstta, manne mun čálán dán teavstta? Manne don logát dán teavstta? Manne lea teaksta dáppe?

Čálli: Mathias Eira Karlsen

 

MU JURDAGAT

Áhči biebmu lea dat njálgámus, son sáhtášii leat dat buoremus goahkká, son ráhkada máilmmi njálgámus biepmu. Turn lea hui hui somá. Mun sávan ahte mun livččen seamma čeahppi go dat eará nieiddat.

Čálli: Victoria Marie Berg

 

TURN

Hei! Mun lean okta nieida gii liikon turnet. Mun liikon dasa dannego dat lea suohtas ja hástaleaddji. Dat lea hui gelddolaš ja measta váralaš. Mun turnen iežan olbmáiguin juohke beaivvi skuvllas.

Čálli: Marie Elisabeth Anti Sara

 

GIVSSIDEAPMI

Givssideapmi lea hui stuora váttisvuohta máilmmis sihke mánáide, nuoraide ja ollesolbmuide. Dat dáhpáhuvvá miehtá máilmmi, ja dál go lea interneahtta de šaddá vel eanet. Leat ollu mánát geat eai duosta vuolgit skuvlii go ballet cápmahallet ja hárddáhallat.

Mun ja mu olbmát leat givssiduvvon. Mun lean čievččahallan, čorpmahallan, bálkestuvvon eatnamii ja gohččoduvvon unohis sániiguin. Eadni rávvii mu ahte in galgga goassege časkit álggos go de šattan mun sivalaš. Jus don oainnát ovttage gii givssiduvvo, de mana lusa ja loga: vuolgge mu mielde ja de vázzábeahtti.

Ávvir lea válljen ahte eat almmut čálli nama

 

PIZZA

Mun áiggun pizza. Pizza lea nu buorre. Pizza pizza pizza. Mun in dieđe manne áiggun pizza, dat lea duššo nu buorre. Mus lea veahá borranmiella, muhto mun lean borran iđitbiepmu. Pizza lea superduper. Pizza lea mu favorihtta biebmu.

Čálli: Inga Elise Sand Eira

 

CLASH OF CLANS

Lea okta bivnnuhis mátketelefuvdna speallu, ja lea dat app:a mii lea vuvdo eanemusat appstore gávppis. Mun liikon dáinna spillet. Dus ferte leat buorre plána spellui go galggat ovdamearka dihte fallehit Barch ja oažžut golli, eliksira ja sevdnjes eliksira.

Giant healer strategiija lea buorre jus áiggut billistit gili suoji. Spealus lea ráđđeviessu mii lea dego dat váibmu du gilážis ja don it hálit dat galgá biillahuvvot. Ráđđeviesus leat logi dási ja dása ádjána guhka ollet ja máksá ollu golli.

Čálli: Armand Buljo

 

PEPSI

Otne mun bibmen iežan beatnaga. Su namma lea Pepsi. Pepsi lea unni ja hui fiinnis. Son lea «papillon», lea guhtta jagi ja lea ciiku. Pepsi oaččui ovtta banána, vuoja ja loahpas siđai vel mielkki. Pepsi borai visot.

Čálli: Anne Eline Sara

 

Háliidat go don maid searvat gilvui mas sáhtát vuoitit iPada?

Lohkal njuolggadusaid dáppe ja čális don ge!

-Almmuhus-