-Almmuhus-
-Almmuhus-
OĐĐASATSkuvlalogut: Finnmárku veaháš ovddos – ja maŋos

Skuvlalogut: Finnmárku veaháš ovddos – ja maŋos

-

-

Finnmárkku joatkkaskuvlaoahppit leat našunála gaskameari dásis árvosátnečuoggáin ja ceavzimis, muhto veaháš heajut go gaskamearri oassálastimis.

Joatkkaskuvlla 2018/2019 skuvladoarjjaindikáhtorat ovdanbuktojuvvo aiddo. Dat galget addit gova das maid skuvllat dahket vai oahppit  čađahit joatkkaskuvlla. Logut čájehit ahte Finnmárku lea nationála gaskamearis go lea sáhka árvosátnečuoggáin ja ceavzimis, ja veaháš vuollelis go lea sáhka oassálastimis

Veaháš ovddos, veaháš maŋos

Finnmárkku fylkkagieldda gelbbolašvuođa váldolávdegoddejođiheaddji, Johnny Ingebrigtsen, lea duhtavaš go árvosátnečuoggát, jahkeceavzin, ja oassálastin lea veaháš buoreduvvon diimmá rájes dain ohppiin geat vázzet oahppospesiáliseren oahpposuorggi. Fidnofágaohppiid lohku ges lea veaháš njiedjan. 

Romssain buohtastahttit

– Jos buohtastahttit Romssain, de lea Finnmárku seamma dásis go lea sáhka árvosátnečuoggáin ja jahkeceavzimis, muhto Romssas lea buoret boađus oassálastimis ja das leat nationála gaskameari dásis, dadjá Johnny Ingebrigtsen.

– Lea dehálaš deattuhit ahte dát bohtosat eai leat mihtiduvvon riikka gaskameari ektui jagis jahkái, eai ge muital maidege duohta bohtosiid birra, mat sáhttet  sihke njeidjan dahje loktanan, dadjá Ingebrigtsen.

Nationála dásis

Ingebrigtsena deattuha ahte Finnmárku lea nationála gaskameari dásis go lea sáhka árvosátnečuoggáin ja ceavzimis, muhto veaháš vuollelis go lea sáhka oassálastimis.

– Min mielas dát logut nannejit ovdagáttuid ahte Finnmárkku skuvllat leat heajut. Dán iskosa mielde de leat mii  seamma dásis go muđui riika, muhto mii galgat liikká bargat viidásat vai ain buorránit.

Ingebrigtsen lohká sáhttit leat hástaleaddji dadjat nu olu buoridemiid birra go diehtit ahte galgá biddjot ođđa gaskamearri juohke jagi.

– Dat mearkkaša ahte vaikko min logut livčče buorránan, de sáhttá neaktit dego hedjoneapmin jos muđui riika lea buorránan – dahje nuppeláhkai, ahte orru ahte mii leat buorránan vaikko mis sáhttet leat logut mat leat njiedjan jos earát leat šaddan heajubun, dadjá Ingebrigtsen.

Seamma buorit go muđui riika

Tabealla, man FFK lea ráhkadan, čájeha movt Finnmárku skuvllaid muđui riikka ektui.  Dás oaidná oahppospesialiserensuorggi ja fidnofágaid gaskameari.

Árvosátnečuoggáin: Finnmárkku skuvllat leat seamma buorit go reasta riika váikkuhit ohppiid árvosátnečuoggáide, sihke oahppospesialiserensuorggis ja fidnofágain.

Jahkeceavzin: Finnmárkkus skuvllat  leat seamma buorit go reasta riika váikkuhit ahte oahppit cevzet buot fágain, sihke oahppospesialiserensuorggis  ja fidnofágain.

Oassálastin: Finnmárkku oahppit heitet skuvllas dávjjibut go riikka gaskamearri. Boađus lea buorránan maŋemus guovtti golmma jagis.

-Almmuhus-