Dan dieđihit Murmánskka statistihkkadoaimmahagas. Čakčamánu 1. beaivvi álgá skuvlajahki Ruošša beale mánáin.
Dieđuin boahtá ovdan ahte jus gávppašit visot dárbbašlaš skuvlagálvvuid ja biktasiid nieidaskuvlamánnái, de váhnemat galget geavahit measta čieža duháha rubela eanet go bárdneskuvlamánnái gávppašeamis. Dahje veahá badjel 26 duháha rubela (badjelaš njeallje duháha Norgga ruvnno) šaddet váhnemat geavahit jus lea bárdni ja badjel 33 duháha rubela (dat lea fas badjelaš 5,1 duháha Norgga ruvnno) jus lea nieida.
Skuvlabiktasat leat divraseamos oassi dan haddelisttus.
Badjel 10 proseantta
Jahkásaččat statistihkkadoaimmahagain dahket haddeanaliissa. Ovddit jagi ektui seamma skuvlagálvvut ja skuvlabiktasat divro gaskamearálaččat badjel 10 proseanttain.
Oktiibuot 15,4 % šattai divrasit skuvlagálvvuid ja biktasiid bárdnái gávppašit ja 11,8 % fas niidii mannan jagi hattiid ektui.
Bivttashattit leat gorgŋon 9 %, skuovvahattit fas leat gorgŋon 12,6 % ja dakkár áššit nu go peannat, čállingirjjit ja nu ain leat divron 21,5 %.
