-Almmuhus-
OĐĐASAT Skuvlabusse čálistii badjel geainnu

Skuvlabusse čálistii badjel geainnu

-

-

Busse mii lea jođus Sámi joatkkaskuvlla Kárášjoga ohppiiguin Vejolašvuođa messui Guovdageidnui lea vuodján badjel geainnu Ássebávtti bokte.  Dál lea 30 buolašgráda guovllus.– Buohkaiguin manná bures, dieđihat joatkkaskuvlla rektor.

– Busse ii leat gopmánan ja oahppit čohkkájit busses, lohká joatkkaskuvlla rektor Synnøve Solbakken-Härkönen. 

Sámi joatkkaskuvla Kárášjogas dieđiha preassadieđáhusas ahte okta dain bussiin mii lei jođus Guovdageidnui  ohppiiguin lea Ássebávtti bokte čálistan badjel geainnu.

– Buohkaiguin manná bures. Oahppit leat lieggasis busses dassái go ođđa busse boahtá, muitala rektor. 

Go Ávvir guođđá báikki, de ii leat vel gádjunbiila ii ge nubbi busse ollen. 

Máret Michelle Mienna Eira

- Advertisement -
-Almmuhus-