Disdaga čuovganeapmái dieđihuvvojedje golbma skutervuoddji láhppon Ráissa ja Guovdageainnu gaskkas.
Skutervuoddjit ledje mannan muhtin bartii idjadit, ja leat dearvan.
Finnmárkku politiijaguovllu Robin Fure muitala ahte ovttasbargguin Romssa politiijaguovlluin ja eaktodáhtolaš resurssaiguin sii gávdne albmáid ovtta barttas odne diibmu 08:25.
– Mis ledje ollu veahkkeveagat ohcame dievdduid 02:00 rájes dássážii.
Finnmárkku politiijaguovllu Robin Fure muitala ahte lei muhtin oahpis gii dieđihii golbma dievdoolbmo láhppon. Skutervuoddjit leat buohkat Ráissas eret, ja galget leat hárjánan mehciid vánddardit.
– Mii leat šaddan jurddašit uđđasiid birra, ja Sea King helikopter dieđihii ahte lei heittogis oainnádat muhtin sajiid, muitala Finnmárkku politiijaguovllu Robin Fure.
