-Almmuhus-
-Almmuhus-
OĐĐASAT Skutervuoddji heavvanan 

Skutervuoddji heavvanan 

-

-

Ohcanveahka gávnnai dievddu suttis.

 

Sotnabeaivve eahkes ožžo politijat dieđu ahte muhtin vuoras almmái várohuvvui doddjon rašes jieŋa čađa skuteriin, Heammogiettis, Guovdageainnu suohkanis.   Politiijat ja buokčaleaddjit vulge báikái ohcat albmá, ja ija mielde dieđihuvvui ahte ledje gávdnan duššan olbmo suttis. 

Mánnodat iđida duođaštit politiijat ahte lei 79-jáhkkasaš dievdoolmmoš gii lei heavvanan.

Finnmárkku operašuvdnasentrálas muitala operašuvdna jođiheaddji  Lars Rune Hagen ahte gádjunbarggus geavahuvvui fanas ja ahte ledje buokčaleaddjit geat gávdne albmá. Hagen ii lean ieš báikkis iige sáhte muitalit eanet detáljaid gádjunbarggu birra. 

Oapmahaččat leat ožžon dieđu lihkohisvuođa birra, duođašta operašuvdna jođiheaddji.

Govven: Johan Mathis Gaup
Govven: Johan Mathis Gaup

- Advertisement -
-Almmuhus-