55-jáhkasaš dievdu doddjui jieŋa čađa Mattisuddenis.
Mannan bearjadaga ožžo Johkamohki gieldda heahtebálvalusat dieđu ahte skutervuoddji lei doddjon jieŋa čađa Mattisuddenis, birrasii miilla lulábealde Johkamohki.
Sihke politiijat ja ambulánsahelikopter ledje veahkkin gádjunakšuvnnas.
Politiijat dieđihedje guokte diimmu maŋŋel dáhpáhusa ahte 55- jahkásaš dievdu lea gávdnon duššan lihkohisvuođas, čállá SVT Norrbotten.
Politiijat eai dieđe mii lea dáhpáhuvvan lihkohisvuođa oktavuođas ja áigot dutkat ášši.
