Politiijat dieđihit ahte Áisaroaivvis, bartaguovllus, lea leamaš skuterlihkohisvuohta.
Badjelaš diibmu 12 dieđihedje politiijat Twitteris ahte Áisaroaivvis, bartaguovllus, lea leamaš skuterlihkohisvuohta.
Operašuvdnajođiheaddji Gunnar Øvergaard muitala Ávvirii ahte lea sáhka Áisaroaivvi birra. Sus eai leat vuos nu ollu dieđut áššis go eai leat vel ollen báikái, muhto muitala ahte leat guokte skutera mat leat lihkohisvuođas.
– Dat sáhttá leat nu ahte okta skuter lei bisánan ja nubbi vujii dan njeaiga, muhto mii eat dieđe vuos. Dadjá Øvergaard.
Son ii dieđe man galli olbmos lea sáhka ii ge mo olbmuiguin manná.
– Mii fertet iskkat ja guorahallat báikki ovdal go diehtit eambbo. Dat sáhttá leat sáhka ahte muhtin lea vuodján gárrenoaivvis, ja mii bargat guorahallamiin, čilge son.
