Anár dušše julai go Skuohtanjárgga Nils Mathis Eira vuittii Anára heargegonagasgilvvuid njoarostanfinála sotnabeaivvi.
Lei oalle eallin ja huikkas sihke dan botta go gilvaledje ja maid maŋŋá gilvvu.
– Dát gal lei somá ja viehka stuorra dáhpáhus. Min gaskkas geat beaivválaččat masa geavahat suohpana vearjun, lea dát stuorra gudnin. Dieđusge ferte ávvudit rivttes láhkái de, dadjá Eira.
Ii lean áigon searvat
Plána mielde ii galgan son Anáris leat sotnabeaivvi, muhto ustibat háste vuolgit.
– Gutni sudnuide veaháš go hásttiiga mu vuolgit, dadjá Eira.
Šnjivgalii maid golli
Nissonluohkás vuittii fas Rauna-Maaria Näkkäläjärvi. Son lea jagi 2013 máilmmimeašttir njoarosteamis.
– Suohpan giehta doaibmá bures ain, dadjá son movttegit.
