Nuorra dievdu jávistuvvui muohtauđđasii Geatkeváris, Málatvuomis.
Badjel 20-jahkásaš dievdu jámii maŋŋel go gárttai muohtauđđasa vuollái Geatkeváris, Málatvuomi suohkanis, Romssas.
– Son oaččui divššu olles ija, muhto dađi bahábut jámii odne iđđes, duođašta Davvi-Norgga universitehtabuohcceviesu gulahallanovddasvástideaddji Jørn Resvoll NRK Romsii.
Politiijat ožžo dieđu muohtauđđasa birra vuossárgga eahkeda diibmu 19:45.
Ohcanveahka oktan lavinebeatnagiin gávdne dievddu guokte diimmu maŋŋe ja dolvo su buohccevissui Sea King helikopteriin.
200 mehter govddu ja guhkki
Golbma eará ledje maid seamma skohtermátkkis gos muohtauđas fierui, muhto sii leat buohkat dearvan.
Muohtauđas lei 200 mehtera govddu ja 200 mehtera guhkki.
Guovllus ledje dieđihan stuora uđasvára ikte.
