Dievdu gii mannan ija dieđihuvvui lahppon gaskal Bårjås ja Björkudden Johkamohkis gávdnui duššan jogas.
Dievdu gii mannan ija dieđihuvvui lahppon gaskal Bårjås ja Björkudden Johkamohkis gávdnui duššan jogas.
Lávvordateahket vuoddjái dievdu Bårjåsis ja humai vel ovttain olbmáin telefuvnnas go lei beallemátkis, muhto maŋŋel dan ii šat gullon sus mihkkege, čállá Ruoŧa Sámiradion ja SVT Sápmi.
Gávdnui duššan
Dievddu olbmát dieđihedje dievddu lahppon ovtta áiggi, ja gádjunveahkit sihke skuteriiguin ja helikopteriin álge ohcat dievddu.
Dievdu ja su skuter mas reahka gávdnui suttis Sáltoluokta guovllus. Ledje politiijat girdiin geat gávdne duššan dievddu sotnabeaivvi beaivet.
Dievdu gii duššai lei 56 jagi boaris ja orui Johkamohkis. Lagamuččat leat ožžon dieđu dáhpáhusa birra, dieđiha P4 Norrbotten.
