Heahteveagat leat mannan Sandnesii olggobealde Girkonjárgga gos lea leamaš skohterlihkohisvuohta. Lihkohisvuođas ii roasmmehuvvan oktage.
Dan dieđihedje Finnmárkku politiijat iežaset Twitter-kontos diibmu 10.10 duorastaga.
Ođasmahttimis badjelaš beal oktanuppelogis duorastaga, čállet politiijat ahte lea badjelaš 70-jahkásaš almmái gii gárttai lihkohisvuhtii.
Almmái váldui ambulánssa mielde Girkonjárgga buohccevissui iskkadeapmái, muhto leat gávnnahan ahte ii leat roasmmehuvvan.
Politiijat álggahedje dutkama, muhto leat loahpahan dutkama báikkis, dieđihit ođasmahttimis badjelaš oktanuppelogis. Galgá njaláhas siivu mii lei sivvan lihkohisvuhtii.
(©NTB)
