Unjárgga gielda lea skeŋken golbma stuorra TV Unjárgga Boarrásiid- ja buhcciidruovttu boarrásiidda ja buhcciide.
Unjárgga gielda lea skeŋken golbma stuorra TV Unjárgga Boarrásiid- ja buhcciidruovttu boarrásiidda ja buhcciide.
Boarrásiid- ja buhcciidruovttu ássit ožžo dáid juovllaid ođđa TV Unjárgga gielddas.
Juovlastállu iđii árrat Unjárgga boarrásiid- ja buhcciidruktui.
Dáid juovllaid besse boarrásat geahččat «Grevinnen og hovmesteren» prográmma áibbas ođđa, stuorra TV:s, dieđiha Unjárgga gielda.
Sátnejođiheaddji skeŋkii
Unjárgga gieldda sátnejođiheaddji Knut Store lei gii illudahtii Unjárgga boarrásiid- ja buhcciidruovttu ássiid ja bargiid, go buvttii dáid juovllaid golbma ođđa, stuorra TV ja daidda maiddái fiberjohtolaga.
Leamaš fuotni
Gielda dieđiha ahte boarrásiid- ja buhcciidruovttu TV kvalitehta leamaš fuotni.
Dál sii ožžot fiberjohtolaga nu ahte TV galgá oidnot albmaláhkai.
– Áiggi mielde vuorasolbmuin dávjá hedjona oaidnu. Danin lea heivvolaš stuorra TV, mii oidno albma láhkai. Dat mearkkaša ollu sidjiide, dadjá dikšun- ja fuolahusossodaga doaibmajođiheaddji Unni Haug.
Gielddastivra várren ruđa
Maŋimuš gielddastivračoahkkimis várrejuvvui 400 000 kruvnno buoridit riššuid ja molssodanlanjaid, ja 4 000 000 kruvnno asfalteret ja čábbudahttit Unjárgga boarrásiid- ja buhcciidruovttu šilju.