-Almmuhus-
KULTUVRA Skeŋke luođi Hamsun:ii

Skeŋke luođi Hamsun:ii

-

-

Go Hamsunguovddáš deavdá logi jagi, de ávvudit luđiin mii galgá leat guovddážii logi jagi skeaŋkan.

​Borgemánu 3.beaivvi lea logi jagi áigi go Hamsunguovddáš rahppui Hápmiris. Dál áigot ávvudit dan, ja sámi artista, Divttasvuotnalaš Kalle Urheim, lea bovdejuvvon hábmet luođi Hamsunguovddážii maid dan beaivvi ovdanbuktá.

Dan dieđiha Hamsunguovddáš preassadieđáhusas, čállá Fremover aviisa.

Maiddái Svein Schultz, gii lea Hápmiris eret, muhto ássá Guovdageainnus dál, galgá jođihit musihkalaš guoimmuheami ávvueahkeda. Son lea čohkken musihkkáriid ja sii čuojahit gaskaija ja olbmot besset dánsut Hamsunvistti alimus oasis.

Ávvudeamis guossohit maid báikkálaš herskkuid ja biepmuid main gilvagiid ja biergguid leat Hápmira báikkis viežžan.

 

 

 

 

- Advertisement -
-Almmuhus-